„საწვავის გაძვირებას 1%-იც კი არ შეუდგენია, ამიტომ ასეთი ხელოვნური აჟიოტაჟის გამოწვევა,  კარგი არაა“, -ამის შესახებ საქართველოს ფინანსთა მინისტრმა, ნოდარ ხადურმა მრჩეველთა საბჭოს დღევანდელ სხდომაზე განაცხადა. ამასთან, ხადურმა ფინანსისტებსა და ექსპერტებს მიმართა, რომ მსგავსი განცხადებებისაგან თავი შეიკავონ.

"დოლარის კურსთან მიმართებაში ზოგიერთი ჩვენი კოლეგა აცხადებდა, რომ საწვავი 19%-ით გაძვირდა. მინდა, ყველას ვთხოვო, რომ ასეთი განცხადებებისგან თავი შევიკავოთ. საწვავის გაძვირებას 1%-იც კი არ შეუდგენია, ამიტომ ასეთი ხელოვნური აჟიოტაჟის გამოწვევა, ალბათ კარგი არ არის", - განაცხადა ხადურმა.