„მიმდინარე წლის იანვარში წინა წლის ანალოგიურ პერიოდთან შედარებით, ექსპორტი 22%-ით, იმპორტი კი 17% -ით არის გაზრდილი“, - ამის შესახებ ფინანსთა მინისტრა ნოდარ ხადურმა დღეს მრჩეველთა საბჭოს სხდომაზე განაცხადა.

"აკრეფილი გადასახადების მოცულობა 14%-ით არის გაზრდილი წინა წლის იანვართან შედარებით. 22% არის გაზრდილი ექსპორტი და 17%-ით არის გაზრდილი იმპორტი, ანუ მოთხოვნა გაჩნდა ქვეყანაში. საინტერესოა, რომ გაზრდილია სამშენებლო მასალების იმპორტი. ჩვენ ასევე ვაანალიზებთ ენერეგეტიკის სამინისტროსთან ერთად და გაზრდილია ელექტროენერგიის მოხმარება, თუმცა არა მოსახლეობის ხარჯზე - ესეც ერთ-ერთი კარგი მაჩვენებელია. თუმცა ცნობილი ლოზუნგის არ იყოს, გასაკეთებელი კიდევ ბევრია", - განაცხადა ხადურმა.