იაკუტიის მცხოვრებმა მამაკაცმა, ვალენტინობის აღსანიშნავად, ყოფილ მეუღლეს ალიმენტის შვიდი წლის დავალიანება ჩაურიცხა. მამაკაცი შესაბამის უწყებაში ყოფილ ცოლთან ერთად მივიდა და თავისი ორი ქალიშვილისათვის ალიმენტის სახით 304 690 რუბლი გადაიხადა. ამის შემდეგ, მან ექსმეუღლეს ვალენტინობა მიულოცა.

მამაკაცმა ახსნა, რომ ცოტა ხნის წინ უძრავი ქონება გაყიდა, ასევე, სამსახურში პრემია მიიღო, ამიტომაც ვალის გადახდა გადაწყვიტა.

"სამწუხაროდ, ქალიშვილებთან კარგი ურთიერთობა არ მაქვს, თუმცა, იმედს ვიტოვებ, რომ ოდესმე მაპატიებენ", - აღნიშნა მამამ. მან პირობა დადო, რომ ამიერიდან, ალიმენტს დროულად გადაიხდის.

წყარო: lenta.ru

(მოამზადა თეო ტაბატაძემ)