სამხრეთ ამერიკაში, მდინარე ამაზონის აუზში, ცხოვრობს ტაკეირას ინდიელთა ტომი. ნებისმიერ მათგანს ტონა წყალიც რომ დაასხა, კანი და თმები აბსოლუტურად მშრალი ექნება.
სპეციალისტები ფიქრობენ, რომ ცივილიზაციისგან მოშორებით მცხოვრებ ამ ადამიანებს, კანზე სპეციალური საფარი გაუჩნდათ, რომელიც საშუალებას აძლევთ წვიმიან სეზონს გაუძლონ.
- ამ ადამიანებს შეუძლიათ თავსხმა წვიმაში იდგნენ და არ დასველდნენ- ამბობს ფრანგი ექიმი ჟაკ ტოლბორნი- წყალი ისე ჩამოსდინდებათ , თითქოს მათი კანი ცხიმის სქელი ფენით იყოს დაფარული. სფიქრობ, ასეული წლებით წვიმიან ჰავაში ცხოვრების მანძილზე, მომეტებულ ტენიანობაზე იმუნიტეტი გამოიმუშავეს.
ტაკეირას ტომი პირველად 1988 წელს აღმოაჩინეს. ჟაკ ტოლბორნი კანოეთი მდინარე ხურუას რაიონს იკვლევდა. სამდღიანი გადაუღებელი წვიმის გამო, იძულებული გახდა , ინდიელთა ერთერთ სოფელში შეჩერებულიყო. სწორედ მაშინ მიაქცია ყურადღება, რომ მიუხედავად თავსხმისა, ადამიანები ჩვეულ საქმიანობას განაგრძობდნენ: თევზაობდნენ, ნადირობდნენ და ამასთან სრულიად მშრალები რჩებოდნენ. ექიმმა ინდიელთა კანის ნიმუშები აიღო შესასწავლად.
- მოვა დრო, და შევძლებთ ჩვენი კანი, ქოლგები და ლაბადები ისე დავამუშაოთ, რომ წვიმის აღარ შეგვეშინდეს- განაცხადა მეცნიერმა.
(მოამზადა თამაზ ჩიქვანაია)
