უკრაინის ოპოზიციის დღევანდელი აქცია ევრომეიდანზე, დღის მეორე ნახევარშია დაგეგმილი.

როგორც აქციის მონაწილეები აცხადებენ, ეს აქცია იქნება ხელისუფლებისთვის იმის მაჩვენებელი, რომ სანამ უკრაინის მოსახლეობის მოთხოვნები არ დაკმაყოფილდება აქციები არ შეწყდება.

აქცია გუშინაც გაიმართა, სადაც ევროპული ინტეგრაციის მომხრეებთან ერთად პარტია „რეგიონების"  მხარდამჭერებიც შეიკრიბნენ. „რეგიონების" მხარდამჭრებმა აქციის სხვა მონაწილეებს ევროპის მოედნის გათავისუფლება მოსთხოვეს, რასაც აქციაზე მცირე შეტაკებაც მოჰყვა, თუმცა დაპირისპირების შედეგად არავინ დაშავებულა.

გუშინვე, გვიან ღამით, ოპოზიციის მომხრეებმა ადმინისტრაციული შენობების დაცლა დაიწყეს.  უკრაინის ცენტრალურ მოედანზე ბარიკადების აღებაც დაწყებულია.