სოჭის ოლიმპიადაზე გამომსვლელმა ქართველმა სპორტსმენმა ნინო წიკლაურმა გიგანტურ სლალომში იასპარეზა და მონაკვეთი 1:27:27 წუთში გაიარა.

სულ პირველ დაშვებაში 90 მოთხილამურე მონაწილეობდა, თუმცა აქედან 14-მა ტრასის ჩამთავრება ვერ შეძლო. საუკეთესო სამეულში ამჟამად სლოვენიელი თინა მაზი (1:17:88), შვედი ჯესიკა ლინდელ-ვიკარბიუ (1:18:40) და იტალიელი ნადია ფანჩინი (1:18:53) არიან.

შეგახსენებთ, რომ ეს ქალების პირველი გამოსვლა იყო გიგანტურ სლალომში, მეორე დაშვება კი დღეს, თბილისის დროით, 13:00 საათზე დაიწყება.