სოჭში მიმდინარე ზამთრის ოლიმპიურ თამაშებზე ასპარეზობაში ელენე გედევანიშვილი ჩაერთო. მისთვის ეს მესამე ზამთრის ოლიმპიადაა. 

ქართველმა მოციგურავემ ყინულის სასახლე "აისბერგში" მოკლე პროგრამა შეასრულა, სადაც 54,70 ქულა მიიღო (ელემენტებში - 27,51, კომპონენტებში - 27,19) და 30 სპორტსმენს შორის მე-17 ადგილი დაიკავა. ამ შედეგით ელენე ასპარეზობას თავისუფალ პროგრამაში გააგრძელებს, რომელიც 20 თებერვალს გაიმართება. 

მოკლე პროგრამაში საუკეთესო შედეგი 2010 წლის ოლიმპიადის გამარჯვებულმა სამხრეთკორეელმა იონ ა კიმმა (74,92) აჩვენა. მეორე ადგილზე რუსი ადელინა სოტნიკოვა (74,64) გავიდა, მესამე - იტალიელი კაროლინა კოსტნერი (74.12), მეოთხე კი - ამერიკელი გრეისი გოლდი (68,63) იყო.