მადონამ უკრაინელთა მხარდასაჭერად დაწერა თავისი მოსაზრება. ის ასევე წერს ვენესუელაში მიმდინარე მასობრივ არეულობებზე: ''როგორც ჩანს, ნიკოლას მადურომ არ იცის ფრაზა ''ადამიანის უფლებები''. ფაშიზმი ყვავის ვენესუელასა და რუსეთში. უკრაინა არ დანებდება''.

რუსმა მსახიობმა სერგეი ბეზრუკოვმა ასევე ''ტვიტერში'' დაწერა: ''ოლიმპიადა იმედი და დღესასწაულია, მაგრამ შეუძლებელია იმის არშემჩნევა, რაც კიევში ხდება. სამოქალაქო ომი ტრაგედიაა ნებისმიერი ქვეყნისთვის''.

საკუთარი აზრი რუსეთში მოღვაწე უკრაინელმა მომღერლებმაც გამოთქვეს. 

ანა სედოკოვა: ''მინდა, რომ გაზაფხულის თბილი წვიმა წამოვიდეს. რომ წაშალოს ეს საშინელება, ეს კოშმარი, რაც ჩემს ქვეყანაში ხდება. ახლობლებს ვურეკავ და ვამშვიდებ, რომ ყველაფერი კარგად არის. მაგრამ ასე არ არის... ჩვენ ვლოცულობთ. სხვა გამოსავალი არ გვაქვს''. 

ვერა ბრეჟნევა: ''ილოცეთ, რომ ქვეყანაში ისევ დაისადგუროს მშვიდობამ და სიყვარულმა''.

ქეთა თოფურიამაც  კი თაყვანისმცემლებს მოუწოდა, მხარი დაუჭირონ უკრაინას ამ მძიმე დროში.

ჟურნალ „რეიტინგის“მასალებზე დაყრდნობით

(მოამზადა რუსუდან ჯაბანიშვილმა)