საქართველოსა და რუსეთს შორის სარაგბო მატჩის პირველი ტაიმი 10:7 საქართველოს ნაკრების სასარგებლოდ დასრულდა. ამ წუთებში თამაშის მეორე ტაიმი მიმდინარეობს, სადაც „ბორჯღალოსნები" უკვე 29:10-ს იგებენ.

მატჩს საქართველოს პარლამენტის თავმჯდომარე დავით უსუფაშვილი, სპორტისა და ახალგაზრდობის საქმეთა მინისტრი ლევან ყიფიანი, ინფრასტრუქტურის მინისტრი დავით ნარმანია და ხელისუფლების სხვა წევრები ესწრებიან.

რუსეთ-საქართველოს სარაგბო მატჩი 17:00 საათზე წუთიერი დუმილით დაიწყო. „დინამო არენაზე"  უკრაინაში გარდაცვლილ ადამიანებს პატივი მიაგეს. რუსეთის ეროვნული ჰიმნი სტვენის ფონზე მიმდინარეობდა. ასევე ქართველი გულშემატკივრები უკრაინელი ხალხის სოლიდარობის ნიშნად უკრაინის დროშებით იმყოფებიან.