სულ რამდენიმე წუთია, რაც საფენგეთის ქალაქ ნიცაში, ევროპის 2016 წლის ჩემპიონატის საკვალიფიკაციო ეტაპის კენჭისყრა დასრულდ, რომელსაც საქართველოს ეროვნული ნაკრების მთავარი მწვრთნელი თემურ ქეცბაია, საქართველოს ფეხბურთის ფედერაციის პრეზიდენტი ზვიად სიჭინავა და გენერალური მდივანი რევაზ არველაძე ესწრებოდნენ.

წილისყრის მსვლელობისას, საქართველოს ნაკრების ბედი ახლო წარსულში ცნობილმა ბერძენმა მეკარემ ანტონიოს ნიკოპოლიდისმა გადაწყვიტა. ნიკოპოლიდისმა საქართველოს ნაკრებს 6–გუნდიან D ჯგუფში მიუჩინა ადგილი. ჩვენს ეროვნულ გუნდს, ჯგუფის მეტოქეებად გერმანია, ირლანდი, პოლონეთი, შოტლანდია და უეფას ახლადმიღებული წევრი გიბრალტარი ერგო.

ევრო–2016 წლის ჩემპიონატის შესარჩევი ციკლი, მიმდინარე წლის 7–8 სექტემბერს დაიწყება. საგულისხმოა ის, რომ ევროპის ჩემპიონატის ახალი სისტემის მიხედვით, შესარჩევი ციკლიდან, ევროპის ჩემპიონატზე, ყველა ჯგუფის პირველ და მეორე ადგილზე გასული გუნდები ვტომაურად იასპარეზებენ. მათ, ერთი საუკეთესო მე–3 ადგილოსანი გუნდი დაემატება, დანარჩენი მე–3 ადგილოსანი 8 ნაკრები გუნდი კი, დარჩენილი 4 საგზურისთვის, პლეი–ოფში დაუპირისპირდება ერთმანეთს.