ჭიათურაში 600-მდე მაღაროელი გაიფიცა. ითხვისისა და შუქრუთის ქარხნის და მექანიკურ სახელოსნოში დასაქმებული 600-მდე თანამშრომელი ამ წუთებში საპროტესტო-გამარფთხილებელ აქციას „ჭიათურ მანგანეზის“ ადმინისტრაციის შენობასთან მართავს. 

როგორც მაღაროელებმა განაცხადეს, ისინი „ჭიათურ მანგანეზის“ ადმინისტრაციის პიკეტირებას გეგმავენ.

„ხელფასების გაზრდას მოვითხოვთ, იმ ხელფასების, რომელიც გასულ წელს უნდა გაზრდილიყო, მოგვატყუეს და მოტყუებას მათ არ შევარჩენთ. ახლა 600 კაცი ვართ გაფიცული, ხვალ კი ჭიათურაში არსებული 7 მაღაროს 3700-მდე კაცი გაიფიცება და მოვა მათ ადმინისტრაციასთან“, - აცხადებს მაღაროელი ირაკლი სხირტლაძე.