საქართველოს ნაკრების მთავარი მწვრთნელი თემურ ქეცბაია თანამდებობის დატოვებას არ გამორიცხავს. ქეცბაიას თქმით, თუ ნაკრებს ევროპის ჩემპიონატზე გამგზავრების შანსი აღარ ექნება, პოსტს მაშინვე დატოვებს.
"როცა ნაკრები საფრანგეთში გამგზავრების შანსს დაკარგავს, პოსტს მაშინვე დავტოვებ. მეტსაც გეტყვით - შესაძლოა, იმ შემთხვევაშიც წავიდე, თუ ევროპის ჩემპიონატზე გასვლის პერსპექტივა გვექნება. როგორც გნებავთ, ისე გაიგეთ. შესაძლოა, რამდენიმე თამაში მოვიგოთ და ევროპის ჩემპიონატზე წასვლის შანსი მოგვეცეს, მაგრამ მაინც უკმაყოფილონი დარჩნენ და თანამდებობა დავტოვო", - აღნიშნა ქეცბაიამ "ლელოსთან" ექსკლუზიურ ინტერვიუში.
ქეცბაიამ გუნდის შანსები შეაფასა ევროპის ჩემპიონატის შესარჩევ ეტაპზე. მისი თქმით, გერმანია ჯგუფის ფავორიტია, ხოლო საქართველო, ირლანდია, შოტლანდია და პოლონეთი მეორე-მესამე ადგილებისთვის იბრძოლებენ.
