თეთრიწყაროს რაიონის სოფელ სამღერეთში ახალი სკოლის მშენებლობა განათლებისა და მეცნიერების მინისტრმა თამარ სანიკიძემ მოინახულა. ის ადგილზე სკოლის წარმომადგენლებსა და მშენებლებსაც შეხვდა.
როგორც განათლების სამინისტროში განაცხადეს, სოფელ სამღერეთის საჯარო სკოლა 40-იან წლებში იყო აშენებული. სკოლას საკმარისი რაოდენობის საკლასო ოთახი არ ჰქონდა, ასევე შენობა იყო ამორტიზირებული და კაპიტალურ რემონტს არ ექვემდებარებოდა.
სკოლის შენობის დემონტაჟი გასული წლის ბოლოს მოხდა და ახალი სკოლის მშენებლობას ჩაეყარა საფუძველი.
სამინისტროს ინფორმაციით, ახალი სკოლა 150 მოსწავლეზეა გათვლილი. ის უზრუნველყოფილი იქნება თანამედროვე გათბობის სისტემით, საინფორმაციო და საბუნებისმეტყველო ტექნოლოგიების კაბინეტებით, თანამედროვე სასკოლო მერხებით, დაფებითა და ახალი კომპიუტერებით.
სოფელ სამღერეთის ახალი სკოლის მშენებლობა 2014 წლის დეკემბერში დასრულდება.
