საბაჟო გამშვები პუნქტის „სადახლოს“ ტერიტორიაზე, სომხეთის მოქალაქე გ.ჰ-ს დათვალიერებისას არადეკლარირებული „SIEMENS “-ის ფირმის როზეტები აღმოაჩინეს.

აღმოჩენილი საქონლის საერთო წონამ 13 კგ. შეადგინა.

სხვადასხვა დასახელების არადეკლარირებული საქონელი აღმოაჩინეს მებაჟე ოფიცრებმა საბაჟო გამშვები პუნქტის „სარფის“ ტერიტორიაზე თურქეთის მხრიდან შემოსულ ავტომანქანაშიც. ავტომანქანა აზერბაიჯანის მოქალაქე გ.მ.-ს ეკუთვნის. აღნიშნული საქონლის ღირებულებამ 7763 ლარი შეადგინა.

საგადასახადო კოდექსის 289-ე მუხლის მე-10 ნაწილის შესაბამისად, ორივე კანონდამრღვევს სანქციის სახით შეეფარდა ფულადი ჯარიმა, შესაბამისად, 6424,4 ლარისა და 7763 ლარის ოდენობით.