უკრაინის მოვლენებს ეროვნული ბიბლიოთეკის დირექტორი გიორგი კეკელიძე „ფეისბუქის“ საკუთარ გვერდზე ეხმაურება:
„მაქვს წინადადება, ია ფარულავას კატა გავუშვათ კრემლში“, - წერს კეკელიძე.
მსახიობ ია ფარულავას კატა მას შემდეგ გახდა აქტუალური, რაც გაირკვა, რომ მსახიობი და მისი მეუღლე სკანდალით დაშორდნენ. ამან სოციალურ ქსელებში დიდი გამოხმაურება გამოიწვია და შეიძლება ითქვას, უკრაინის ამბებიც კი გადაფარა.
წყვილის მოულოდნელი დაშორება სოციალური ქსელის მთავარ თემად იქცა. როგორც ირკვევა, ტარიელ სუარისთვის მიუღებელი აღმოჩნდა ის მიმოწერა, რომელიც ია ფარულავას, სუარის თქმით, „პარიკმახერ მიშასთან“ ჰქონდა.
იასა და ტარიელის დაშორებაზე პრესა ცოტა ხნის წინაც ალაპარაკდა, როცა ტაილანდიდან დაბრუნებულ ფარულავას კატა გამხდარი დახვდა. ამბობენ, რომ ზუზი ია ფარულავას მეუღლეს ვერ იტანს და როცა თბილისში მარტო დარჩა, ჯერ საჭმელზე და წყალზე თქვა უარი, შემდეგ კი აივნიდან გადახტა. კატის გადარჩენა მაშინ იას მეგობარმა, სტილისტმა მიშა გასიტაშვილმა შეძლო, რომელმაც შინაური ოთხფეხა მეგობარი ექიმთან წაიყვანა.
როგორც ფარულავა აცხადებდა, ზუზის ეგოისტური გრძნობა გაუჩნდა, როცა ტარიელი მის ცხოვრებაში გამოჩნდა, პირველივე კვირას სასტიკად დაუკაწრა ცხვირი. გიტარის ჩასადებში აფსამდა და ა.შ. მაგრამ ტარიელი მისი სიყვარულის გამო იტანდა ამ ყველაფერს და კატასაც უვლიდა.
(მოამზადა ლილუ მიროტაძემ)
