აგრარულ საკითხთა კომიტეტის თავმჯდომარე გიგლა აგულაშვილი, 2012-2014 წლების ექსპორტის ზრდის მონაცემებს აქვეყნებს და დასძენს, რომ 2013 წელს მხოლოდ ქართული ღვინის ექსპორტით მიღებულმა შემოსავლებმა  232 მლნ დოლარი შეადგინა.

მისი განმარტებით, ღვინის ექსპორტის შედეგად შემოსული თანხა 68 მლნ დოლარით  აღემატება, წინა წლის ანალოგიურ მაჩვენებელს.

როგორც აგულაშვილი აღნიშნავს, გასული წელი ბაზრების დივერსიფიცირების თვალსაზრისით,  წარმატებებული აღმოჩნდა.  

„ივნისიდან დაიწყო დაფნის, ხმელი სუნელის, ჩირის და სხვა დაბალი ფიტოსანიტარიული რისკის მქონე პროდუქციის ექსპორტი. ოქტომბრიდან დაშვებულია მაღალი რისკის პროდუქტები: თხილი, ციტრუსი,  ყურძენი, ვაშლი, მსხალი, კომში. რუსეთის ბაზარზე ქართული ღვინის ექსპორტის ზრდის ხელშეწყობასთან ერთად, განსაკუთრებით დიდი ყურადღება ექცევა ქართული ღვინის გასაღების ახალი ბაზრების ათვისებას.  2012 წელთან შედარებით, ექსპორტი გაზრდილია უკრაინაში (7%-ით), ყაზახეთში (1%-ით), ბელარუსიაში (2%-ით), პოლონეთში (12%-ით), ინგლისში (61%-ით), ლიტვაში (3%-ით), ჰონკონგში (16%-ით), ნიდერლანდებში (17%-ით), ფინეთში, სომხეთში, საფრანგეთში და ა.შ.",  - აცხადებს  აგრარულ საკითხთა კომიტეტის თავმჯდომარე.