საქართველოს პრეზიდენტობის კანდიდატთა რიცხვი, ამ დროისთვის უკვე თერთმეტამდე გაიზარდა. 2013 წლის 27 ოქტომბერს დანიშნული საპრეზიდენტო არჩევნებისთვის, ცესკოს საიტზე ოფიციალური რეგისტრაცია უკვე გაიარეს პრეზიდენტობის შემდეგმა კანდიდატებმა: მიხეილ გელა სალუაშვილმა (საინიციატივო ჯგუფი), ტარიელ ხვედელიძემ (საინიციატივო ჯგუფი), ნესტან კირთაძემ (საინიციატივო ჯგუფი), გიორგი გახოკიამ (საინიციატივო ჯგუფი), შალვა ნათელაშვილმა (საქართველოს ლეიბორისტული პარტია), მამუკა ჭოხონელიძემ (საინიციატივო ჯგუფი), ნიკოლოზ გორგიჯანიძემ (საინიციატივო ჯგუფი), გიორგი თარგამაძემ („ქრისტიან-დემოკრატიული მოძრაობა“), სეგო ჯავახაძემ („სამართლიანი საქართველოსთვის“), გიორგი ჩიხლაძემ (საინიციატივო ჯგუფი) და მერაბ გორგაძემ (საინიციატივო ჯგუფი). ოფიციალური რეგისტრაცია ჯერ არ გაუვლიათ პრეზიდენტობის მსურველ დანარჩენ კანდიდატებს, მათ შორის, არც მმართველი პარტიის კანდიდატს გიორგი მარგველაშვილს.