ხვალ, საქართველოს ეროვნული მუზეუმის აუდიტორიაში, სამხრეთ კავკასიაში გერმანული კულტურული მემკვიდრეობის დაცვის კავშირისა და საგამოფენო კატალოგის - „გერმანელები და ქართველები - შუა საუკუნეებიდან დღემდე“ პრეზენტაცია გაიმართება.
სამხრეთ კავკასიაში გერმანული კულტურული მემკვიდრეობის დაცვის კავშირი მიმდინარე წლის 6 იანვარს დარეგისტრირდა. ხვალ კი, კავშირს მისი თავმჯდომარე, დოქტორი ოლივერ რაისნერი წარადგენს.
ღონისძიებას ეროვნული მუზეუმის დირექტორის მოადგილე მიხეილ წერეთელი გახსნის. საგამოფენო კატალოგს გერმანიის ფედერაციული რესპუბლიკის ელჩი ორთვინ ჰენიგი წარმოადგენს, ეროვნული მუზეუმის და პრუსიული კულტურული მემკვიდრეობის ფონდის წარმომადგენელ მანფრედ ნავროტთან ერთად.
კავშირი 2017 წლისთვის, საქართველოში გერმანული დასახლებების 200 წლისთავთან დაკავშირებით, საიუბილეო ღონისძიებების მომზადებასაც გეგმავს.
