საქართველოს ეროვნული ბანკის პრეზიდენტი გიორგი ქადაგიძე, მთავრობის პროგნოზს 5%-იანი ეკონომიკური ზრდის შესახებ რეალისტურს უწოდებს.

ქადაგიძე მიიჩნევს, რომ 5%-იანი ეკონომიკური ზრდა შესაძლებელია, თუ საგარეო ფაქტორები გამორიცხული იქნება.

„ვფიქრობთ,წელს 5%-იანი ზრდის მიღწევა სავსებით რეალისტურია. რა თქმა უნდა, არის რისკები, რომლებიც ძირითადად უკავშირდება გეოპოლიტიკურ მდგომარეობას - თითქმის ჩვენს ყველა მეზობელ ქვეყანაში, განსაკუთრებით უკრაინაში მიმდინარე მოვლენებს. ამან, რა თქმა უნდა, რაღაც ტიპის გავლენა შეიძლება იქონიოს ქართულ ეკონომკაზე. თუ გამოვრიცხავთ საგარეო ფაქტორებს, წმინდა ეკონომიკური პროგნოზის თვალსაზრისით, 5%-იანი ზრდის მიღწევა სავსებით შესაძლებელია“, - აღნიშნა ქადაგიძემ.

რაც შეეხება უკრაინის მოვლენებს - იქონია თუ არა ამან გავლენა ქართულ ეკონომიკაზე, ქადაგიძის განმარტებით, ჯერჯერობით შესაბამის ინფორმაციას არ ფლობენ.

„ეს მონაცემები გვექნება პირველი კვარტლის დასრულების შემდეგ. ამასთან დაკავშირებით, სწორედ ამის მერე შევძლებთ გავაკეთოთ კომენტარი“, - განაცხადა ეროვნული ბანკის პრეზიდენტმა.