სპორტისა და ახალგაზრდობის საქმეთა მინისტრის ლევან ყიფიანის განცხადებით ქუთაისში ფეხბურთის მატჩის დროს მომხდარ ფაქტზე ძალიან მკაცრი რეაგირება მოხდება.
"ფეხბურთელები არიან დაშავებული. ძალიან ცუდი ფაქტი მოხდა ქუთაისში. რეაგირება უნდა იყოს მკაცრი. მქონდა საუბარი ფეხბურთის ფედერაციის ხელმძღვანელობასთან და ვფიქრობ, აუცილებელია მოხდეს ამ ფაქტების შეფასება. წარმოუდგენელია, რომ ეს გაგრძელდეს მომავალში. ჩვენი მხრიდან რეაგირება იქნება ძალიან მკაცრი." - აცხადებს მინისტრი.
საქართველოს ეროვნული ჩემპიონატის 21-ე ტურის შეხვედრა ქუთაისის "ტორპედოსა" და "თბილისის დინამოს" შორის ჩხუბის გამო ჩაიშალა. "ტორპედოს" გულშემატკივრებმა მოედანზე ქვების სროლა დაიწყეს, ხოლო შემდეგ სტადიონზე ჩავიდნენ და "დინამოს" წევრებს ფიზიკურად გაუსწორდნენ.
(მოამზადა თეონა რამაზაშვილმა)
