ამ წუთებში, ხულოს რაიონის სოფელ ღურტაში მოსახლეობა მშვიდობიან  საპროტეტსტო აქციაზე იკრიბება. აქციის მონაწილეები, ენერგეტიკის მინისტრის მოადგილის ილია ელოშვილისგან 8 მარტის ინციდენტთან დაკავშირებით, ბოდიშის მოხდას და თანამდებობის დატოვებას მოითხოვენ.

მოსახლეობის თქმით, 8 მარტს სწორედ მაღალჩინოსნის ბრძანებით მიაყენეს სამართლდამცველებმა შეურაცხყოფა აქციის მონაწილეებს.

მოსახლეობა ჰესის მშნებლობის შეჩერებასაც ითხოვს. მათი თქმით, მოსახლეობა და კომპანია შეთანხმებული იყვნენ, რომ მშენებლობას ხელშეკრულების გაფორმებამდე არ დაიწყებდნენ, თუმცა კომპანიამ პირობები დაარღვია.

დღევანდელ აქციაზე ათამდე სოფლის მცხოვრები აპირებს შეკრებას.