საბურთალოს რაიონის გამგებელი გია ხუროშვილი, საკრებულოს სარევიზიო კომისიის თავმჯდომარეს მიხეილ ქავთარაძეს პასუხობს და აცხადებს, რომ სათათბირო ორგანოს შექმნა კანონდარღვევასთან არ ყოფილა დაკავშირებული. მისივე თქმით, ქავთარაძის პრესკონფერენცია დაშინებისა და გადაბირების კიდევ ერთი მცდელობა იყო.

„რაც შეეხება ამხანაგობის თავჯდომარეებს, ისინი გამგებელთან კავშირიში იმყოფებიან საქართველოს პარლამენტის მიერ მიღებული კანონის თანახმად. ქავთარაძის პრესკონფერენცია იყო მცდელობა იმ ადამიანების ხელახალი გადაბირებისა და დაშინებისა, რომლებსაც წლების მანძილზე, დღეს "ქართულ ოცნებაში" პორტირებული ყოფილი "ნაციონალები" თავიანთი თანამდებობების შენარჩუნების მიზნით იყენებდნენ", - განაცხადა ხუროშვილმა.