„საინვესტიციო პროექტების ხარჯზე პოლიტიკური დივიდენდების მოპოვება სახიფათო ტენდენციაა!"-ამის შესახებ  ექსპერტმა, ეკონომიკის საკითხებში,  ირაკლი ლექვინაძემ განაცხადა.

„ახალი პოლიტიკური რეალობის პირობებში ინვესტიციების მხარდაჭერა, კანონის უზენაესობისა და კანონის წინაშე თანასწორობის უზრუნველყოფა განსაკუთრებული მნიშვნელობის გამოწვევაა. თავის მხრივ, სწორედ კანონის უზენაესობისა და კანონის წინაშე თანასწორობის უზრუნველყოფა განაპირობებს საინვესტიციო გარემოს მიმზიდველობას და ინვესტორთა აქტიურობას. მთავრობა არის როგორც ინვესტორის პარტნიორი და ინვესტიციების დაცვის გარანტორი, ასევე მოსახლეობისა და ქვეყნის ინტერესების დამცველი, ყველაზე მძლავრი და სანდო შუამავალი მოსახლეობასა და ინვესტორს შორის", - განაცხადა ლექვინაძემ.