სოციალურ ქსელ „ფეისბუქში“ შექმნილია გვერდი „Humans from Tbilisi/ადამიანები თბილისიდან“, რომელიც ქართველი მომღერლის ქეთი მელუას ბაბუას გვაცნობს.

„დავამთავრე პლეხანოვის უნივერსიტეტი მოსკოვში,დავიცავი უმაღლესი ხარისხი. მყავს 3 შვილიშვილი - ერთ-ერთი მათგანი ქეთი მელუაა. ქეთის ბავშვობიდანვე აღმოაჩნდა სმენა. ჩემმა მეზობელმა მოამზადა და პირველად ფილარმონიის დიდ საკონცერტო დარბაზში იმღერა. მამამისმა გაიმარჯვა პროექტში და მოსკოვში წავიდა ქეთისთან ერთად. ამის შემდგომ კი ქეთი ინგლისში წაიყვანა. ახლა ქეთის თავისი მსმენელი ჰყავს, რადგან თავისებური მუსიკალური სტილი აქვს. ის ძირითადად სიყვარულზე მღერის“, - აცხადებს ბაბუა.

წარმოშობით ქართველი მომღერალი ქეთი მელუა ამჟამად დიდ ბრიტანეთში მოღვაწეობს და დედოფალ ელისაბედის საყავრელ მომღერლადაც ითვლება. ქეთი საკმაოდ პოპულარულია და დროდადრო საქართველოსაც სტუმრობს. ჟურნალ „Daily Mail“-თან ინტერვიუში საუკეთესო მოგონებად სწორედ ბაბუასთან დაკავშირებულ ამბავს იხსენებდა.

„ეს იყო საქართველოში, ბაბუასთან ერთად ბინაში ცეკვა. ეს კომუნიზმის დღეები იყო. 3 წლის ვიყავი და მის ფეხებზე ვცეკვავდი. ეს საუკეთესო მოგონებაა“, - აცხადებს ქეთი მელუა.

(მოამზადა ლილუ მიროტაძემ)