მსახიობი იუნა შაფათავა ambebi.ge-სთან ინტერვიუში მის მიერ შესრულებულ თამამ სცენებზე საუბრობს. იუნამ საზოგადოებას თავი „მამაჩემის გერლფრენდით“ და შოთა კალანდაძის ფილმში განსახიერებული თამამი როლებით დაამახსოვრა.

„სცენარში უბრალოდ ეწერა ხვევნა-კოცნა. რეალურად კი, გამოდგა ლოგინის სცენა. ისე მინდოდა მაშინ ფილმში გადაღება, უარი არ მითქვამს. მე ჰოლივუდის, საფრანგეთის, იტალიის ფილმებზე ვარ გაზრდილი და არ ვიცოდი, ასე თუ უყურებდნენ ჩვენთან ამ ყველაფერს. მსახიობი რომ ლოგინში წვება, ჩემთვის ნორმალურია. რაც მოითხოვა იმ სცენებმა, ის გავაკეთე, მანდ პიკანტური არაფერია. შოთიკო კალანდაძის ფილმებს რაც შეეხება, იქ გაუპატიურების სცენაში ვთამაშობ, როცა მაუპატიურებდნენ, ხომ არ ვეტყოდი, უკაცრავად ხელი არ მახლოთ-მეთქი? რასაც სცენარი ითხოვდა და რეჟისორი ხედავდა, ის გავაკეთე. სამი კაცი მაუპატიურებდა და რეჟისორს ხომ არ ვეტყოდი, ერთი კაცი მომაკელი-მეთქი. თუ მექნება მომავალში მსგავსი შემოთავაზებები და ჩავთვლი, რომ საინტერესოა, დავთანხმდები. მკვლელი იქნება - მკვლელი ვიქნები, ქურდი იქნება - ქურდი ვიქნები და ბოზი იქნება და - ბოზი ვიქნები“, - აცხადებს მსახიობი.

(მოამზადა ლილუ მიროტაძემ)