გაზიანი სასმელები ნეგატიურ ზეგავლენას ახდენს ორგანიზმზე. მათი უმრავლესობა ჯანმრთელობისთვის საზიანო ნივთიერებებს, ემულგატორებს შეიცავს. გაზიანი სასმელების დიდი რაოდენობით მიღება, ნაადრევ დაბერებას იწვევს. ფოსფატი, რომელიც განსაკუთრებულ გემოს აძლევს სასმელს, კანსა და კუნთოვან ქსოვილს აშრობს.

კვლევებმაა დაადასტურა, რომ ადამიანები, რომლებიც დღეში 2 ქილაზე მეტ გაზიან სასმელს სვამენ, ორჯერ უფრო ხშირად აღენიშნებათ თირკმლის დაავადებები, მათთან შედარებით, ვინც უპირატესობას წვენებს ან მინერალურ წყალს ანიჭებს.
გაზიანი სასმელების მიღება 3 წლამდე ბავშვებისათვის კატეგორიულად აკრძალულია.

არ შეიძლება გაზიანი სასმელების მიღება მათთვის, ვისაც კუჭის დაავადებები, დიაბეტი, ალერგია აწუხებს. მედიკოსები ვარაუდეობენ, რომ თირკმელში კენჭების გაჩენის მიზეზი ფოსფორის მჟავაა, რომელსაც ამამჟავებლად იყენებენ. მათ, ვისაც წონის დაკლება სურს ან ჭარბი წონის პრობლემა აქვს გაზიანი სასმელი საერთოდ უნდა ამოიღოს რაციონიდან. არსებობს კვლევები, რომ გაზიანი ტკბილი სასმელები აორმაგებს სიმსუქნის ალბათობას, ასევე ისინი ხელს უწყობენ ორგანიზმიდან კალციუმის გამოდევნას, რაც მომავალში ოსტეოპოროზის გაჩენის მიზეზი ხდება. მნიშვნელოვანია ბავშვების რაციონში გაზიანი ტკბილი სასმელები ჩანაცვლდეს რძით, ნატურალური წვენებით, წყლით. წყლის მთავარი დადებითი თვისება ისაა, რომ ის უკალორიოა.

ყველაფერთან ერთად, გაზიანი სასმელები აფუჭებს კბილებს, აზიანებს მინანქარს. სტომატოლოგები გვირჩევენ, რომ ასეთი სასმელების მიღების შემდეგ კბილები რამდენიმე ხნის დაყოვენების შემდეგ გავიხეხოთ.

(მოამზადა ნინი მოდრეკილმა)