მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე ქარბუქის, თოვისა და შეზღუდული ხილვადობის გამო ყველა სახის ავტოტრანსპორტის მოძრაობა აკრძალულია. როგორც საქართველოს საავტომობილო გზების დეპარტამენტიდან იტყობინებიან, თბილისი-სენაკი-ლესელიძის საავტომობილო გზის ჩუმათელეთი-ხუნევის მონაკვეთზე ყველა სახის ავტოტრანსპორტის მოძრაობა თავისუფალია.

ამ დროისათვის, შეზღუდვა რჩება მხოლოდ გუდაური-კობის მონაკვეთზე. აღნიშნული გზის დანარჩენ მონაკვეთებზე ავტოტრანსპორტის მოძრაობა თავისუფალია. გუდაური-კობის მონაკვეთზე ინტენსიურად მიმდინარეობს გაწმენდითი სამუშაოები და მოძრაობის აკრძალვის რეჟიმი შუადღემდე მოიხსნება.