აჭარის პროკურატურასთან, აქცია ერთდროულად მიმდინარეობს. ერთი აქციის ორგანიზატორია პოლიტიკური ორგანიზაცია "პატრიოტთა ალიანსი". ისინი შენობის ერთ მხარეს იმყოფებიან და აღნიშნავენ, რომ "უნდა შეწყდეს კოჰაბიტაცის დანაშაულებრივი პროცესი". 

შენობის მეორე მხარეს კი, მეორე აქცია მიმდინარეობს, სადაც უფლებადამცველი თამაზ ბაკურიძე და სოციალურად დაუცველები, ეკომიგრანტები იმყოფებიან.
როგორც თამაზ ბაკურიძემ აღნიშნა, დღეს აქცია გადაიდება, რადგან პარალელურად მიმდინარე "პატრიოტთა ალიანსის" მიერ დაგეგმილ აქციას ხელი არ შეეშალოს. მისი თქმით, უფრო მასშტაბური აქცია მომდევნო დღეების განმავლობაში გაიმართება.