საქართველოს კათოლიკოს-პატრიარქის ლოცვა კურთხევით, საპატრიარქოს წმინდა იოაკიმესა და ანას სახელობის სამედიცინო ცენტრის ექიმები ხაშურისა და მიმდებარე სოფლების  მოსახლეობას უფასო სამედიცინო გამოკვლევას უტარებენ. დილას ექიმები  ხაშურში მდებარე „მედიქალ-პარკის" კლინიკაში იმყოფებიან.

კლინიკის გენერალური დირექტორის ვატო სურგულაძის განცხადებით,  მოსახლეობას თერაპევტი, ენდოკრინოლოგი, ქირურგი, მეან-გინეკოლოგი, კარდიოლოგი, ალერგოლოგი, ოფთალმოლოგი და ექოსკოპიის კაბინეტი ემსახურება. მოსახლეობას მედიკამენტები უფასოდ ურიგდებათ.