პრეზიდენტობის კანდიდატის ნიკოლოზ გორგიჯანიძის მთვარი წინასაარჩევნო დაპირება პენსიის 300 დოლარამდე გაზრდა, დიასახლისებისთვის 200 დოლარიანი, ხოლო „უსაქმურებისთვის“ - 100-დან 150 დოლარამდე ანაზღაურების დანიშვნაა. ნიკოლოზ გორგიჯანიძის თქმით, ის კონკურენტად მხოლოდ სატანას ხედავს. როგორც პრეზიდენტობის კანდიდატი განმარტავს, ის ღარიბების ხმებით გაიმარჯვებს. მისი დამარცხება კი ქვეყანაში კარგი ეკონომიკური მდგომარეობის მაჩვენებელი იქნება. 2013 წლის 27 ოქტომბერს დანიშნული საპრეზიდენტო არჩევნებისთვის, „ცესკოს“ საიტზე ოფიციალური რეგისტრაცია უკვე თერთმეტმა პრეზიდენტობის კანდიდატმა გაიარა. ოფიციალური რეგისტრაცია ჯერ არ გაუვლიათ პრეზიდენტობის მსურველ დანარჩენ კანდიდატებს, მათ შორის, არც მმართველი პარტიის კანდიდატს - გიორგი მარგველაშვილს.