„ადვოკატთა ასოციაციის“ თავმჯდომარემ, ზაზა ხატიაშვილმა „რეპორტიორის“ ჟურნალისტებისადმი მიწერილი ღია წერილის შინაარსი და მიზეზები განმარტა.
„რეპორტიორის“ არც ერთ ჟურნალისტთან არ მაქვს უთანხმოება, პირიქით, ყველა ის ინფორმაცია, რომელიც ამ სააგენტოს ვებგვერდზე იდებოდა, იყო ობიექტური. უბრალდ მე ამ წერილით ჟურნალისტებს ვთხოვე, მათი ობიექტურობიდან გამომდინარე – დაესვათ კითხვები ჩემი ოპონენტებისთვის, იმ ბრალდებებზე, რომლებსაც მე მიყენებდნენ. დარწმუნებული ვარ, რომ ჟურნალისტები ჩემს თხოვნას გაითვალისწინებენ და მუშაობას ჩვეული ობიექტურობით გააგრძელებენ“, ყველას, ვისაც მიაჩნია, რომ ჩვენს შორის რაიმე სახის გაუგებრობაა, გავუმეორებ, რომ ცდებიან! მეტიც: კიდევ ერთხელ ვადასტურებ ჩემს გულწრფელ პატივისცემას „რეპორტიორისა“ და მისი ჟურნალისტური კოლექტივის მიმართ! – განაცხადა ზაზა ხატიაშვბილმა დღეს „რეპორტიორის“ პრესკლუბში გამართულ პრესკონფერენციაზე.
ცნობისთვის: „ადვოკატთა ასოციაციის" თავმჯდომარემ, ზაზა ხატიაშვილმა „რეპორტიორის" ჟურნალისტებს ღია წერილით მიმართა და მოითხოვა, იმ ფაქტების დაზუსტება, რომლებსაც მისი ოპონენტები ბრალად სდებდნენ მას. როგორც წერილშია აღნიშნული, ფაქტების დადასტურების შემთხვევაში ხატიაშვილი მზად არის, ბოდიში მოიხადოს მედიის წარმომადგენლების წინაშე.
