ბათუმის „ანბანის კოშკს" უახლოეს პერიოდში აუქციონზე გაიტანენ. ამის შესახებ ქალაქ ბათუმის მერიაში განაცხადეს. როგორც ბათუმის მერმა ჯემალ ანანიემ აღნიშნა, შესაძლოა კომპანიებმა შენობა იჯარითაც აიღონ.

„ანბანის კოშკი" ბათუმის ბულვარის საკუთრებაში იყო. უზურფრუქტის ხელშეკრულების გაუქმების შემდეგ, ის ბათუმის მერიის მფლობელობაში გადავიდა.

„უზურფრუქტის ხელშეკრულება ბათუმის ბულვართან გავაუქმეთ და კოშკი ბათუმის მერიას დაუბრუნდა. სავარაუდოდ, მას უაქციონით, ან კონკურსის წესით გავასხვისებთ და შეთანხმებაში გარკვეულ პირობებს ჩავდებთ", - განაცხადეს ბათუმის მერიაში.

შეგახსნებთ, რომ „ანბანის კოშკის" მშენებლობა 64 მლნ ლარი დაჯდა. დღეს უფუნქციოდ დარჩენილი ობიექტის მოვლაში, ბათუმის ტურისტული ობიექტების მართვის  სააგენტო 60 000-მდე ლარს  ხარჯავს.