სიღნაღის რაიონის სოფელ ხირსის მოსახლეობამ საპროტესტო აქცია გამართა და გასხვისებული 100 ჰექტარი მიწის უკან დაბრუნება მოითხოვა. მოსახლეობის თქმით, „ნაციონალური მოძრაობის" ყოფილმა მაღალჩინოსნებმა  მიწა  ნათესავებზე უკანონოდ გააფორმეს.

„ლევან ბეჟაშვილს ოცი ჰექტარი მიწა საკუთარ ცოლის ძმაზე აქვს გაფორმებული, 30 ჰექტარი კი მერაბიშვილის სიდედრს ეკუთვნის. მოსახლეობას საძოვარი აღარ დარჩა და სოფელში არსებულ მწვანე პარკს იყენებს. ხალხს ვენახები დაუკითხვად გაუჩეხეს და ფართობებს ისე იკავებდნენ", - განაცხადა აქციის მონაწილე მაია სუხიშვილმა.

დავაზე, რომელიც 2006 წლიდან დაიწყო მოსახლეობამ პროკურატურაში სარჩელი უკვე შეიტანა.

იმ შემთხვევაში, თუ მოსახლეობას მიწები არ დაუბრუნდება, ისინი ზეთისხილის პლანტაციის გაჩეხვით იმუქრებიან.