სამების ტაძარში დიდი ხუთშაბათის დღესასწაულთან დაკავშირებით წირვა დასრულდა. წირვის შემდეგ კათოლიკოს-პატრიარქი ილია მეორე საკურთხევლიდან გამობრძანდა და თავის ტახტთან მივიდა. არქიდიაკონმა 12 მღვდელს მოუხმო სიტყვებით „მოძღვარი გიხმობს“. ტაძრის შუაგულში გაწყობილია 12 სკამი, რომლის წინ 12 მოძღვარი დგას. პატრიარქი თითოეულ მათგანს ფეხს ბანს.

ფეხთბანვის რიტუალის დასრულების შემდეგ კი, სრულიად საქართველოს კათოლიკოს-პატრიარქი მრევლს ტრადიციული ქადაგებით მიმართავად და დღევანდელ დღეს მიულოცავს. წმინდა სახარების მიხედვით, დიდ ხუთშაბათს იესო ქრისტემ საკუთარი მოწაფეები იერუსალიმში ერთ სახლში შეკრიბა და მისი ბოლო ჟამის, ჯვარცმის შესახებ აუწყა. სიმდაბლის ნიშნად კი, მათ ფეხი დაბანა და ზიარების საიდუმლო დააწესა.