პოსტკონფლიქტური დარეგულირების საკითხებში ე.წ. სამხრეთ ოსეთის დე ფაქტო პრეზიდენტის წარმომადგენელი მურატ ჯიოევი ქართველი ჟურნალისტების დაკავების ფაქტს კიდევ ერთხელ გამოეხმაურა.
ადგილობრივი სააგენტო "რესის" ინფორმაციით, ჯიოევი ქართველი ჟურნალისტების მხრიდან პროვოკაციაზე საუბრობს და აღნიშნავს, რომ ამის მიუხედავად, სამხრეთ ოსეთის მხარემ გადაწყვიტა, საზღვარზე ვითარება არ დაეძაბა და ინციდენტი მშვიდად მოეგვარებინა. მისი თქმით, დროა, ქართულმა მხარემ აღიაროს საქართველოსა და სამხრეთ ოსეთს შორის რეალური საზღვრის არსებობა და მის ირგვლივ ვითარების დაძაბვაზე უარი თქვას.
"სამწუხაროა, ასევე, საქართველოში ევროკავშირის სადამკვირვებლო მისიის პოზიციაც, რომლის პასუხისმგებლობის ზონაშიც მდებარეობს საქართველოს ტერიტორიები და ესაზღვრება სამხრეთ ოსეთის ტერიტორიებს. მისიის ამოცანაა ინციდენტების დაუშვებლობა, რომლებიც საქართველოსა და სამხრეთ ოსეთის საზღვარზე ვითარებას ძაბავს", - განაცხადა ჯიოევმა.
