საფრანგეთში მოღვაწე ქართველი მოდელი ქრისტინე ძიძიგური პრინც ხუანზე დაინიშნა. მათ ერთმანეთი საფრანგეთში გაიცნეს.
„ ხუანი საფრანგეთში გავიცანი, მითხრეს, საქართველო კარგად რომ გაიცნოს, ქართველი მეგობრები სჭირდებაო. ხუანს კი უთხრეს, ქრისტინეს დიდი გეგმები აქვს და სხვა რამე არც იფიქროო, თუმცა, როცა ჩემი სურათები უნახავს, თურმე, თავიდანვე მოვეწონე. რამდენიმე კვირის წინ კი, როცა საქართველოში ვბრუნდებოდი, მომწერა თბილისში ვარო, ვუთხარი, მე ხვალ მოვფრინავ საქართველოში-თქო. როცა ჩამოვედი და ტელეფონი ჩავრთე, პირველი მესიჯი ხუანს ჰქონდა გამოგზავნილი, მერე შეხვედრა მთხოვა. შემთხვევით აღმოვაჩინეთ, რომ მეზობლად ვცხოვრობდით - ჩემი სახლის გვერდით მდებარე სასტუმროში იყო დაბინავებული“,- განაცხადა ძიძიგურმა.
პრინცი ხუანი ქორწილის დეტალებზე ჯერ არ საუბრობს. მისი თქმით, ქრისტინეს მოდელობის საწინააღმდეგო არაფერი აქვს, ამიტომ ის თავის საქმიანობას გააგრძელებს.
„მე ნებას მივცემ გააგრძელოს ის საქმე, რასაც აკეთებდა, რადგან აქამდე ყველაფერს შეუცდომლად აკეთებდა“,- განაცხადა პრინცმა ხუანმა.
Ambebi.ge- ზე მასალაზე დაყრდნობით
(მოამზადა რუსუდან ჯაბანიშვილმა)
