23 აპრილს საქართველო მსოფლიოს ოთხმოც ქვეყანასთან ერთად წიგნისა და საავტორო უფლებების საერთაშორისო დღეს აღნიშნავს.

   ეს ტრადიცია უკვე დიდი ხანია რაც არსებობს და შესაბამისად  დიდი ისტორიაც აქვს.იგი 1923 წლიდან, კატალონიიდან იღებს სათავეს. ამ დღეს ქალები მამაკაცებს წიგნებს ჩუქნიდნენ, ხოლო სამაგიეროდ, ყვავილებს იღებდნენ. ეს ქალბატონებისაგან გამოჩენილი ერთგვარი ინიციატივა იყო. წიგნს ქალი მხოლოდ  სასურველ მამაკაცს ჩუქნიდა. ამის გაკეთება ყველას არ შეეძლო, რადგან, წიგნის ყიდვა ძვირი სიამოვნება გახლდათ.

შესაბამისად, ეს ჟესტი, ძირითადად, დიდგვაროვანთა წრეებისთვის იყო დამახასიათებელი.იუნესკოს 1995 წლის 15 ნოემბრის 28-ე სესიაზე, 23 აპრილი ოფიციალურად დასახელდა წიგნისა და საავტორო უფლებების მსოფლიო დღედ და 1996 წლიდან დაიწყო კიდეც მისი აღნიშვნა. რაც შეეხება თარიღს,პასუხი მარტივია- სწორედ ამ დღეს გარდაიცვალნენ  დიდი მწერლები:  მიგელ დე სერვანტესი, უილიამ შექსპირი და ინკა გარსილასო დე ლა ვეგა.როგორც წესი,  მსოფლიოს მრავალ ქვეყანაში ამ დღეს  იმართება წიგნის გამოფენა- გაყიდვები და წიგნის მოყვარულები ცდილობენ საყვარელ ადამიანებს უსახსოვროვონ ისეთი ძვირფასი საჩუქარი,როგორიცაა წიგნი.