ჟურნალმა People წლის ყველაზე ლამაზ ქალად ფილმ "მონობის 12 წლის" ვარსკვლავი ლუპიტა ნიონგო დაასახელა. პლანეტის ყველაზე ლამაზი ადამიანებისადმი მიძღვნილი ნომრის გარეკანს სწორედ ეს ქალი ამშვენებს.

"უდიდესი პატივია ჩემთვის. დედას ყოველთვის სჭირდებოდა ჩემი დარწმუნება , რომ  ლამაზი ვარ. რაღაც მომენტში, მე მისი დავიჯერე", - განაცხადა მსახიობმა.

31 წლის მსახიობი მექსიკაში დაიბადა, თუმცა კენიაში გაიზარდა. წელს ლუპიტას "მონობის 12 წელში" განსახიერებული ქალის მეორეხარისხოვანი როლის საუკეთესო შესრულებისათვის ოსკარი ერგო.

People-ის სიაში სულ შოუბიზნესის 50 წარმომადგენელი მოხვდა.