იმისათვის, რომ სერიალ "დიდებულ საუკუნეში" ჰიურემ სულთნის როლი ეთამაშა, გერმანელ მსახიობს, მერიემ უზერლის წონაში მომატება მოუხდა, ხოლო 1,5 წლის შემდეგ - 8 კილოგრამის დაკლება.  რა დიეტას მიმართა მილიონობით ტელემაყურებლის საყვარელმა მსახიობმა, რომ მოკლე ხანში დაეკლო წონაში?

ინტერვიუში, რომელიც ერთ-ერთ ცნობილ თურქულ ჟურნალში დაიბეჭდა, მსახიობმა მკითხველს გაუმხილა, როგორ შეძლო, მოეშორებინა ზედმეტი წონა.

მერიემის საიდუმლო არც ისეთი რთული და უცნაური მეთოდი აღმოჩნდა:

"საკმარისია, შეზღუდო ტკბილეულის მიღება ან ძალიან მცირე რაოდენობით ჭამო, უბრალოდ, გასინჯო - ყველაზე რთული ჩემთვის ეს აღმოჩნდა. ჩემს საყვარელ ბრინჯის პუდინგზეც კი უარი ვთქვი." 

მერიემის თქმით, არც ისე მკაცრად აკონტროლებს წონას, მაგრამ თუ მაინც მოიმატა, იწყებს ბევრი წყლის სმას და ცომეულსა და დესერტს რაციონიდან რიცხავს.

ზომიერ დიეტას მსახიობი კვირაში ორჯერ ფიზიკურ ვარჯიშებსაც უმატებს და სულ მალე მომატებული კილოგრამები უკვალოდ ქრება. ასე მოახერხა მერიემმა 2 თვეში 8 კილოგრამის დაკლება და ახლა ის შესანიშნავ ფორმაშია.

(მოამზადა ანა ნოდიამ)

(წყარო: marao.ge)