როგორც The Telegraph იუწყება, უახლოეს დროში „მანჩესტერ იუნაიტედის“ მოლაპარაკებები ჰოლანდიელ სპეციალისტ ლუი ვან გაალთან ლოგიკურ დასასრულს მიუახლოვდება.

მოსალოდნელია, რომ ვან გაალს ოფიციალურად ამ კვირაში წარადგენენ, ავტორიტეტული ინგლისური წყარო კი იუწყება, რომ ჰოლანდიელი ინგლისელი გულშემატკივრის წინაშე ხვალ წარსდგება.

ხვალინდელ მატჩში („მანჩესტერ იუნაიტედი“ – „ჰალ სიტი“) კლუბს კვლავ რაიან გიგზი უხელმძღვანელებს. ვან გაალის მოსვლის შემთხვევაში კი მისი მომავალი როლი ჯერჯერობით გაურკვეველია.

როგორც აქამდე ითქვა, ჰოლანდიელი სოლიდურ თანხას მიიღებს კლუბის გასაძლიერებლად, მისი ამოცანა კი, ახალი გუნდის აშენება იქნება.