უშიშროების საბჭოს მდივანი, ირინა იმერლიშვილი "რუსთავის 2"-ის მიერ ტელეკომპანიაში ფარული ჩანაწერების შესახებ გაკეთებულ განცხადებას გამოეხმაურა: 

„ დიდ იმედს ვიტოვებ, რომ სასწრაფოდ იქნება გამოძიებული და დადგენილი რა მოწყობილობაზეა ლაპარაკი, ვინ დაამონტაჟა და ვინ დააყენა ეს ყველაფერი "რუსთავი 2"-ში. ჩვენი ქვეყანა, მთავრობა მხარს უჭერს მედიის დამოუკიდებლობას, ეს პრინციპი  ქვეყნისთვის უმნიშვნელოვანესია და  აუცილებლად დავიცავთ.  კარგია, რომ თავად "რუსთავი 2"-ის გენერალურმა დირექტორმა ბოდიში მოიხადა ფარულ ჩანაწერებში მონაწილეობასთან დაკავშირებით. ამ ქვეყანაში არასოდეს განმეორდება ის, რომ ხელისუფლება ამკვიდრებდა ფარული ჩანაწერების ასეთი დოზით გადაღებას და მერე გავრცელებას", - განაცხადა იმერლიშვილმა.