Football-oranje-მა ერედივიზიონის 2013/2014 წლების სეზონის სიმბოლური ნაკრები შეადგინა, სადაც საქართველოს ნაკრების ფეხბურთელი და არნემის „ვიტესის" კაპიტანი გურამ კაშია მოხვდა. აღსანიშნავია, რომ „ვიტესიდან" სხვა ფეხბურთელი აღნიშნულ ჩამონათვალში ვერ მოხვდა.

ქართველი ლეგიონერის სტატისტიკა საკმაოდ შთამბეჭდავია. კაშია თითო თამაშში საშუალოდ 3 ართმევასა და 6 ჩაჭრას აკეთებდა. გურამმა 32 მატჩში მიიღო მონაწილეობა და 2 გოლის გატანა შეძლო.

გაგაცნობთ ერედივიზიონის მიმდინარე სეზონის სიმბოლური ნაკრების სრულ შემადგენლობას:

მეკარე: იასპერ სილესენი („აიაქსი")
მცველები: სანტიაგო არიასი („პსვ"), გურამ კაშია („ვიტესი"), დელი ბლინდი („აიაქსი"), ჯოელ ველტმანი („აიაქსი").

ნახევარმცველები: ლას შონე („აიაქსი"), იორდი კლასი („ფეიენოორდი"), დუშან ტადიჩი(„ტვენტე").
თავდამსხმელები: მემფის დეპაი („პსვ"), ალფრედ ფინბოგასონი („ჰერენვენი"), გრაციანო პელე („ფეიენოორდი").