ევროპარლამენტის თავდაცვისა და უსაფრთხოების კომიტეტის ხუთმა წევრმა, ე.წ მატროსოვის ციხეში, დღეს დილით, ვანო მერაბიშვილი მოინახულა. შეხვედრის შემდეგ კშიშტოფ ლისეკმა ჟურნალისტებთან მიღებულ შთაბეჭდილებებზე ისაუბრა:
„მე ვერც ერთ მიზეზს ვერ ვხედავ ვანო მერაბიშვილის წინასწარ პატიმრობაში ყოფნის თუ არა პოლიტიკურს". - განაცხადა მან.
მისივე განმარტებით ყოფილი შინაგან საქმეთა მინისტრი წონაში საგრძნობლად არის დაკლებული.
„კიდევ ერთხელ გამოვხატავ გაოცებას, თუ რატომ იმყოფება ვანო მერაბიშვილი წინასწარ პატიმრობაში. ის საგამოძიებო უწყებაში რამდენჯერმე მივიდა. გამოძიების დაწყებიდან ხუთჯერ საზღვარგარეთ იმყოფებოდა და ხუთივეჯერ უკან დაბრუნდა. ოჯახთან დაკავშირებული საკითხი ამ დრომდე მოგვარებული არ არის და კარგი იქნება ვანო მერაბიშვილი მოინახულონ მეუღლემ და შვილებმა, ან მათგან წერილი მიიღოს", - განაცხადა ლისეკმა.
ევროპარლამენტის წევრები, მერაბიშვილის სრულ სამედიცინო გამოკვლევას მოითხოვენ.
