ენერგეტიკის მინისტრმა კახა კალაძემ და მინისტრის მოადგილემ ილია ელოშვილმა აზერბაიჯანული კომპანიის „სოკარ ჯორჯია გაზი"-ს წარმომადგენლებთან ერთად, დაბა ჩაქვიში მიმდინარე გაზიფიცირების სამუშაოები დაათვალიერეს.

კომპანია „სოკარ ჯორჯია გაზმა" დაბა ჩაქვის სოფლების ჩაისუბნისა და ბუკნარის დასახლების გაზიფიცირებისათვის 17 კმ სიგრძის საშუალო წნევის მიწისქვეშა გაზსადენი ააშენა. რაც ამ სოფლებში მცხოვრებ 900-მდე პოტენციურ აბონენტს ზამთრის სეზონის დადგომამდე გაზის საერთო ქსელში ჩართვის შესაძლებლობას მისცემს.