„პრაიმ თაიმთან" ინტერვიუში, მომღერალმა ნინა წკრიალაშვილმა პოპულარულ სერიალში, „ჩემი ცოლის დაქალებში" გამოჩენაზეც ისაუბრა. ინტერვიუში მომღერალმა აღნიშნა, რომ შვილმა შესრულებულ პერსონაჟს მიამსგავსა და უთხრა, „შენც მასავით დაუნი ხარ, ამიტომ არ გაგიჭირდა თამაში".

ნინას ინტერვიუს მალევე დაუნის სინდრომით დაავადებული ბავშვების პრობლემებით დაკავებულმა არასამთავრობო ორგანიზაცია, „მზის შვილებმა"  პრეტენზია  წარუდგინა. ორგანიზაციის ხელმძღვანელმა ინგა ლოლაძემ ნინას უპასუხა:

„თქვენი აზრით ქარაფშუტა, აღვირახსნილი და ქმრის მოღალატე ქალი დაუნია? იცით, ჩემი ხუთი წლის შვილი, ჩემი მეგობრის შვიდი წლის შვილიც დაუნია, მაგრამ ისინი თქვენგან (დოდოშკასგან) განსხვავებით არასდროს უღალატებენ, არასდროს მოატყუებენ და არასოდეს ფულზე და ციმციმა სამკაულებზე არ გაცვლიან არავის და პირველ რიგში საკუთარ ღირსებას. „

ნინამ გამოხმაურებას Facebook-ის საშუალებით უპასუხა: „რაღაც წამოვროშე შეუგნებლად და დამსახურებულად მომხვდა. მართლა, გულწრფელად ვწუხვარ და განვიცდი. უაზროდ ვიხმარე სიტყვა, რომელიც არ მიხმარია იმ მნიშვნელობით რაც თქვენ გგონიათ. საჯაროდ და გულწრფელად ვიხდი ბოდიშს''.