ტელეწამყვანი გია ჯაჯანიძე პროექტ "ცეკვავენ ვარსკვლავები"-ს მეოთხე სეზონის ერთ-ერთი მონაწილეა. მისი მონაწილეობა ეპატაჟით სავსეა. მეორე ტურში საცეკვაო ნომრის დასრულების შემდეგ, ტელეწამყვანი ჟიურის ერთ-ერთ წევრს, ინგა გრიგოლიას გამოუტყდა, რომ ის იყო ადამიანი, ვინც წლების განმავლობაში ინგა გრიგოლიას მანქანაზე წერილს და ყვავილებს ახვედრებდა. ეს განცხადება ინგამ ხუმრობად მიიღო, ხალხმა კი თავის კარგად გასაპიარებლად მოფიქრებულ ინტრიგად.
თავად ინგა გრიგოლია, მომხდარის შესახებ ამბობს:
"გარკვეული პერიოდულობით ყველა ქალს აქვს ეგ პერიოდი, როცა ყვავილებს და წერილებს უგზავნიან, მაგრამ ჯაჯანიძემ ალბათ იხუმრა, რადგან დიდი ხანია მასთან ვმეგობრობ და კარგად იცის ჩემი ისტორიები. ძალიან
მძიმეა ჟიურის წევრობა, მე მაგალითად, ყველა შოუდან მინდა ხოლმე მეტი ემოცია, მეტი მუხტი რესპოდენტებისგან, მონაწილეებისგან და ჯერჯრობით რასაც ვხედავ, დაძაბულები არიან და შემდეგ ტურებში ალბათ გაუვლით. სულ რომ 20 კილო ვიყო, "ცეკვავენ ვარსკვლავებში" არასდროს მივიღებდი მონაწილეობას, ვერ გავრისკავდი. მე ამ სითამამისთვისაც ვაფასებ ამ ხალხს".
