მსახიობმა ნინო გაჩეჩილაძემ ჟურნალ „სარკესთან „ ინტერვიუში სერიალ „ჩემი ცოლის დაქალების“ შემოქმედებით გუნდთან განახლებულ ურთიერთობაზე ისაუბრა: 

„კატოს პერსონაჟი წარსულს ჩაბარდა. იმავე შემოქმედებითმა ჯგუფმა დამირეკა და სარეკლამო რგოლში გადაღება შემომთავაზა. მეც დავთანხმდი, რადგან ეს ხალხი ყველაფერს კარგად აკეთებს. თან ისეთი პარტნიორი მყავს დათო დარჩიას სახით, რომ უარს ვერ ვეტყოდი. ძალიან სახალისო და საინტერესო რეკლამა გამოვიდა, რომელიც მალე ეკრანებზეც გამოვა. ჩვენ შესაძლოა კიდევ გავაგრძელოთ ურთიერთობა, მაგრამ არ მინდა, გავამხილო, რა იქნება თანამშრომლობის მიზეზი და მაყურებლისთვის სიურპრიზად დავტოვებ. ახლა მოლაპარაკებები მიმდინარეობს.

გაურკვევლობა და შეუთანხმებლობა როცა გაჩნდა, იმ ეტაპზე დავშორდით ერთმანეთს, მაგრამ სამუდამოდ არ გაგვიწყვეტია ურთიერთობა. პირადული არაფერი ყოფილა, მხოლოდ საქმესთან დაკავშირებით მოხდა გაუგებრობა. მათ ნებისმიერ დროს შეუძლიათ დამირეკონ და თუ შემოთავაზება საინტერესო იქნება, სიამოვნებით ვითანამშრომლებ. „

შეგახსნებთ, რომ მარჯანიშვილის თეატრის მსახიობმა სერიალი საკუთარი ნებით დატოვა.  მსახიობსა და შემოქმედებით გუნდს შორის უთანხმოება იყო.