იმედი L-ის სტადიონზე დღეს ახალგაზრდული საფეხბურთო ტურნირის „ოცნების თასი" ფინალური მატჩი გაიმართება. მატჩს კოალიცია „ქართული ოცნების" თბილისის მერობის კანდიდატი დავით ნარმანია, საარჩევნო შტაბის ხელმძღვანელი კახა კალაძე, სპორტისა და ახალგაზრდობის საქმეთა მინისტრი ლევან ყიფიანი და ვეტერანი ფეხბურთელები დაესწრებიან.

ტურნირი 8 მაისს დაიწყო და მასში მონაწილეობა „ქართული ოცნების" თბილისის ათი რაიონის ახალგაზრდულმა შტაბებმა მიიღეს. დღეს ერთმანეთს ნაძალადევის და საბურთალოს შტაბების გუნდები ხვდებიან. მატჩი 21.00 საათზე, მუშტაიდის ბაღის გვერდით მდებარე იმედი L-ის სტადიონზე გაიმართება.

გამარჯვებულ გუნდს „ოცნების თასს" დავით ნარმანია და კახა კალაძე გადასცემენ. 

კოალიცია „ქართული ოცნების„ ახალგაზრდული შტაბის მიერ ორგანიზებული საფეხბურთო ტურნირი „ოცნების თასი" ჯანსაღი ცხოვრების პოპულარიზაციას და 1981 წლის 13 მაისს, თბილისის დინამოს მიერ თასების თასის მოპოვების 33-ე წლისთავს მიეძღვნა.