დორტმუნდის „ბორუსიას“ ფორვარდმა რობერტ ლევანდოვსკიმ გერმანიის თასის ფინალური მატჩის წინ, „ბაიერნის“ წინააღმდეგ, ჟურნალისტებთან ისაუბრა.
გერმანიის თასის ფინალური მატჩი 17 მაისს გაიმართება.
საუბრისას პოლონელმა თავისი ყოფილი თანაგუნდელი, მარიო გიოტცე გაიხსენა, რომელიც ახლა „ბაიერნის“ მაისურით ასპარეზობს. ლევანდოვსკი იმედოვნებს, რომ მომავალი სეზონიდან მათი ტანდემი ისეთივე დამანგრეველი იქნება, როგორიც „ბორუსიაში“ იყო.
შეგახსენებთ, რომ ფორვარდმა უკვე მოაწერა ხელი კონტრაქტს და მომავალი სეზონიდან მიუნხენელთა კლუბში ითამაშებს.
„გერმანიის თასის ფინალი დიდი თამაშია. მარიოსთან შეხვედრას მოუთმენლად ველი. ჩვენ ერთმანეთს ვუგებთ როგორც მოედანზე, ასევე მის მიღმა. იგი ექსტრაორდინალური ფეხბურთელია. ჩვენ ერთად წარმატებული 3 წელი ვთამაშობდით.
მარიოს კარგად გამოსდიოდა ჩემთვის გოლების ორგანიზება. ვიმედოვნებ, რომ ეს „ბაიერნშიც“ გამოუვა“, - განაცხადა რობერტ ლევანდოვსკიმ.
