ლონდონის „ჩელსის" ოფიციალური ვებგვერდის ცნობით, ჯონ ტერის კონტრაქტი გაუხანგრძლივდა.

კლუბსა და ფეხბურთელს შორის უკანასკნელი კონტრაქტი ზაფხულში იწურებოდა, მაგრამ მხარეებმა ახალ შეთანხმებას მიაღწიეს.

„მოხარული ვარ „ჩელსისთან" კონტრაქტის გახანგრძლივებით და კლუბში მე-20 წლის გატარების შესაძლებლობით. მადლობა გულშემატკივრებს მუდმივი მხარდაჭერისთვის. მადლობელი ვარ მენეჯერის, რომელიც მიმდინარე სეზონში ძალიან დამეხმარა", - განაცხადა ტერიმ.

უკანასკნელ სეზონში ტერიმ „ჩელსის" მაისურით 47 მატჩი ჩაატარა. მისი კარგი თამაშის წყალობით, პრემიერ ლიგის 38 შეხვედრაში, „ლურჯებმა" საკუთარ კარში მხოლოდ 27 გოლი გაუშვეს.